Ommaviy oferta

1. Umumiy qoidalar

Oferta O'zbekiston Respublikasi Fuqarolik kodeksi va «Iste'molchilarning huquqlarini himoya qilish to'g'risida»gi qonunga muvofiq tuzilgan. Sotuvchi oferta shartlarini o'zgartirishi mumkin; yangi shartlar saytga joylangan kundan kuchga kiradi va o'sha kundan keyingi buyurtmalarga tatbiq etiladi.

2. Buyurtma

Xaridor saytda mahsulotni tanlaydi, ism, telefon raqami va EMU punktini ko'rsatadi, telefon raqamini SMS kod bilan tasdiqlaydi. Buyurtma holati haqida SMS va saytdagi shaxsiy kabinet orqali xabar beriladi. Mahsulot omborda tugagan bo'lsa, Sotuvchi xaridor bilan bog'lanadi va to'langan summani qaytaradi.

3. Narx

Narxlar saytda so'mda ko'rsatilgan. Buyurtma rasmiylashtirilgan paytdagi narx amal qiladi. Chegirma va aksiyalar saytda ko'rsatilgan muddatgacha amal qiladi.

4. To'lov

To'lov Click yoki Payme orqali onlayn amalga oshiriladi. Har bir to'lov uchun elektron fiskal chek beriladi. Cashback hisobidagi mablag' bilan to'lovning bir qismini yoki hammasini yopish mumkin.

5. Yetkazib berish

Mahsulot O'zbekiston bo'ylab EMU punktlariga yetkaziladi. 200 000 so'mdan ortiq buyurtmalarga yetkazib berish bepul, qolganlariga — 30 000 so'm. Toshkent shahri ichida shoshilinch (taksi/kuryer) yetkazish narxini xaridor to'laydi. Muddat hudud va punktga bog'liq; jo'natilgach kuzatuv raqami SMS orqali yuboriladi. Xaridor punktda mahsulotni olishda qadoqni tekshirishi lozim.

6. Qaytarish va almashtirish

Sifatsiz, shikastlangan yoki buyurtmaga mos kelmagan mahsulot qonunda belgilangan muddatlarda almashtiriladi yoki puli qaytariladi — buning uchun mahsulotni olgan kuningizdan boshlab imkon qadar tezroq (surati bilan) Telegram yoki telefon orqali murojaat qiling. Ochilgan yoki ishlatilgan sifatli kosmetika va gigiyena vositalari qonunchilikka muvofiq qaytarilmaydi. Pul to'lov qilingan usul orqali qaytariladi.

7. Cashback

Cashback faqat saytdan qilingan xaridlarga beriladi va xaridorning telefon raqamiga bog'langan shaxsiy hisobiga tushadi. Cashback buyurtma yetkazilgandan keyin ishlatish uchun ochiladi, muddati cheklanmagan. Uni keyingi xaridlarda to'lovning bir qismi yoki hammasi sifatida ishlatish mumkin; naqd pulga almashtirilmaydi. Buyurtma bekor qilinsa yoki qaytarilsa, shu buyurtmadan berilgan cashback bekor bo'ladi, ishlatilgan cashback esa hisobga qaytariladi.

8. Shaxsiy ma'lumotlar

Shaxsiy ma'lumotlar Maxfiylik siyosati asosida ishlanadi.

9. Nizolar

Nizolar avvalo muzokara yo'li bilan hal qilinadi. Kelishuvga erishilmasa, O'zbekiston Respublikasi qonunchiligiga muvofiq sudda ko'riladi.

Sotuvchi rekvizitlari

Tashkilot

"FIRST KOREAN COSMETICS" MCHJ

Telefon

+998 33 666 06 13

Telegram

@seedbee

Sayt

www.seedbee.uz